Ministrja e Punëve të Jashtme të Kosovës, Donika Gërvall ka udhëtuar sot për në Shtetet e Bashkuara të Amerikës (SHBA).

Udhëtimi i diplomates kosovare për në SHBA ka ardhur pas ftesës së Sekretarit të Shtetit Antony Blinken për të marrë pjesë në “Summit of the Americas”, i cili do të mbahet në Los Angeles të ShBA-së, shkruan arbresh.info.

“Me ftesë të Sekretarit të Shtetit Antony Blinken, kryediplomatja Gërvalla udhëton për në SHBA Zëvendëskryeministrja njëherësh ministrja e Punëve të Jashtme dhe Diasporës, Donika Gërvalla me ftesë të Sekretarit të Shtetit, Antony J. Blinken, do të marrë pjesë në “Summit of the Americas”, i cili do të mbahet në Los Angeles të ShBA-së”, thuhet në njoftim.

Kjo është hera e parë që Republika e Kosovës përfaqësohet në ketë Samit.

Në marxhinat e këtij Samiti, ministrja Gërvalla do të zhvilloi takime bilaterale me zyrtarë të lartë shtetëror si dhe do të vazhdoj lobimin për të forcuar subjektivitetin ndërkombëtar të Republikës së Kosovës./arbresh.info/